陳慧嫻 - 歸來吧 (1992)

主打歌 : 飄雪、歸來吧、紅茶館、七分愛情三分騙、月亮
陳慧嫻89年開《幾時再見演唱會》,90年告別樂壇去美國讀書,91年暑假錄碟,這張唱片在92年初推出,鋪排算幾周到,91年冬天有應節的主打歌《飄雪》,講在異地看到雪花,懷念香港的人和事,這首歌相當hit,91年尾一星期商台叱咤榜冠軍,一星期港台中文歌曲龍虎榜冠軍。第二主打《歸來吧》,這首歌是台灣歌,帶點鄉土味,娘娘哋,尤其有段哼唱,聽落像「咖喱牛腩飯,咖喱牛腩飯」,怪怪的,不算好hit;全碟最爆的落在第3 plug《紅茶館》,中間慧嫻的獨白極受歡迎,又有談論價值,「你冇女朋友?梗係唔信啦,冇理由㗎,你幾好呀!點會冇人鍾意你喎,或者有你唔知啫!」很多歌迷喜歡在Kareoke扮慧嫻撩仔,這首歌在92年中爆紅,打上中文歌曲龍虎榜冠軍和入選勁歌季選,《歸來吧》這張大碟hit足半年,銷量極之好,慧嫻沒有宣傳,也賣出三白金 (15萬張),其餘歌如《七分愛情三分騙》和《月亮》都多人識。《歸來吧》是寶麗金最後一批推出的黑膠大碟,產量甚少,與張學友"真情流露"一樣炒價很高。唱片是慧嫻回港錄音的,封面應該在美國拍攝,人在外國的感覺是一賣點。
監製 : 歐丁玉
Image : Yu Sin Man
Art director : Jackson Tang
Photography : Dan Heringer



No comments: