1986年第五屆新秀

金獎 : 文佩玲 (兼得最突出台風創新獎)
銀獎 : 許志安
銅獎 : 黎明
其他入行的參賽者 : (晉身決賽) 袁鳳瑛、黃翊、袁志偉、尹麗玉 (晉身準決賽) 關淑怡、劉錫明、陳家碧


袁志偉
24歲, 參賽時是美術設計師, 曾留學法國, 參賽歌曲 : 月半彎. 90年簽EMI, 只出過兩張碟就消失, 和無線新聞部"花仔"袁志偉撞名, 經常由此帶起話題作介紹.


袁鳳瑛
22歲, 參賽時是職業歌手, 參賽歌曲 : 放縱. 90年唱"天若有情"主題曲, 因而成名, 她獲羅大佑賞識簽音樂工廠, 91年出第一張大碟, 三四年後淡出樂壇做歌唱教師.


黃翊
18歲, 參賽歌曲 : Stand Up. 89年簽新藝寶, 唱片公司欲捧為新的張國榮, 有數首hit歌, 也有拍劇做電視, 後來與黃寶欣拍拖, 唱片公司反對因而被雪藏, 離開樂壇後與亞視女藝員陳存正同居生子, 在大埔開大排檔.


尹麗玉
20歲, 文員, 兼職酒廊歌手, 參賽歌曲 : 再見Sayonara. 新秀落敗後87年參加ATV未來偶像, 獲最佳型格獎, 加入亞視拍劇做藝員, 未出過碟.


銅獎 : 黎明
19歲, 參賽歌曲 : 絕對空虛. 入無線拍劇, 在華星沒機會出碟, 直至做了當紅小生, 90年簽寶麗金, 很快做了天王.


銀獎 : 許志安
18歲, 學生, 參賽歌曲 : 霧之戀. 做了梅艷芳徒弟, 86年尾即在"將冰山劈開"唱和音兼拍MV, 88年在華星出碟, 但要92年才開始冒起, 和鄭秀文合唱"其實你心裡有沒有我"爆hit兼拍拖, 離合後終成眷屬, 做過最受歡迎男歌星.


金獎 : 文佩玲 (兼得最突出台風創新獎)
職業是營業代表, 參賽歌曲 : 夢伴. 在華星只有和杜德偉合唱的"愛全為你"叫做hit過下, 無緣在華星出碟, 89年跳槽EMI出過兩張碟就淡出, 開過時裝店, 炒樓, 打寫字樓工和經營水機直銷, 現任職保險, 近年接受訪問透露曾結婚離婚育有一女.


關淑怡
20歲, 時裝設計學生, 只入到準決賽就被淘汰, 參賽歌曲 : Crazy For You. 後來重回美國做服裝設計師, 88年參加日本的歌唱比賽得冠軍, 簽約唱片公司出日文碟, 89年回港做寶麗金新人, 橫掃新人獎, 未幾憑"難得有情人"大紅.


台下大星
比較紅的歌星被安排坐埋一齊, 張國榮很健談, 不是和他左邊的麥潔文雞啄唔斷, 就是和右邊的甄妮打牙骹, 而兩位阿嫻 : 陳慧嫻和葉德嫻則"冇偈傾".


中場表演嘉賓 陳百強
唱"偶像", 騷手臂和舞姿.


中場表演嘉賓 呂方+吳婉芳
吳婉芳一個月前才贏港姐亞軍 (三料港姐), 即獲安排做新秀司儀, 兼可以和呂方合唱"養妳一世", 呂方然後自己唱"求你講清楚".


中場出一出 張學友
學友只是出來和司儀萬梓良及吳婉芳chit chat, 唱了幾句"萬惡淫為首", 沒有正式表演.


表演嘉賓&評判 近藤真彥+梅艷芳
正式表演嘉賓是梅艷芳, 她先和草蜢仔唱"冰山大火", 然後和近藤真彥合唱中日版"夢伴", 近藤真彥仲獨唱"純情物語", 即呂方"在期待戀愛"原曲, 他也是評判之一, 梅艷芳和近藤真彥拍過拖, 唔知那時拍左未.


冠亞季 : 文佩玲 許志安 黎明
冠軍枝金咪由維他贊助, 這是頒獎宣傳活動.


許志安 黎明
安仔88年就出個人大碟"戀愛片段", 黎明在華星只錄過一首"回到唐山"主題曲"恕未從俗", 沒有出碟, 要等到他在寶記紅了後才收錄在雜錦碟.


文佩玲 (2012)
在華星錄過一張碟, 無奈沒有出街, 後來轉投EMI出了"浪子Jacky"和"鬥氣"兩張碟, 行快歌路線, 但紅不起終離開樂壇. 兩年前由黑妹介紹重踏舞台, 和韋綺珊等在新伊館及Bar City都表演過, 當時接受"蘋果"訪問, 透露從事保險, 已離婚並育有一女, 跟其他新秀仍有保持聯絡.

1 comment:

Alex said...

其実仲有甄妮示範唱咗半首"Greatest Love of all" 同葉德嫻示範半首"變"(連攪笑台風)。但唔知點解在音楽台重播是就CUT咗。。。黐線。