劉錫明與區鳳蘭


搵劉錫明舊相,找到1987年第6屆新秀官方發相,與他同組合照的是區鳳蘭 (前右一),即是後來Echo的區海倫,亦即區帶娣,她參賽時唱《The Greatest Love Of All》,不知表唔表現到巨肺氣度呢?


至於瘤明就唱《情已逝》,得到銀獎,評判話佢聲底似學友,個樣都有少少似。劉錫明是一個屢敗屢戰的人,他由第一屆新秀開始報名,年年都有參加,直至第六屆才得獎。同年金獎是方曉虹,唱過一些武俠劇主題曲,就蒸發於樂壇了;銅獎董嵐,好似入無線拍過劇,歌都冇唱過。

大家都認為劉錫明是因為被倪震趕盡殺絕,才在香港消失,我就覺得樂壇/娛樂圈更替急速,很多同期的華納歌手如曾航生都係咁先,你睇睇劉生以下呢首男裝西歌,加埋d欏命舞步,就知點解樂壇要淘汰佢,不要成日講《是緣是債是場夢》啦。

劉錫明 - Moshi Moshi Moshi (1993)
作曲 : 林慕德 作詞 : 潘偉源 編曲 : 林慕德/張兆鴻/金培達
MV演出 : 梁詠琳


佢仲有另一首超級西歌,叫做《請你覆我機》,其實佢一早鋪定路過寶島搵食,然後北望神州,否則他不會首首歌用國語做hookline。

劉錫明 - 請你覆我機 (1993)
http://wwwtest.tudou.com/programs/view/kifqpTo8uNA/


時間回到1992年頭,劉錫明形勢大好,勇奪勁歌新人獎金獎 (另得港台新人獎銀獎,叱吒樂壇生力軍男歌手銅獎),當然,好多曾橫掃新人獎的歌手,都不擔保以後順風順水,91年度新人在台上一字排開 : 黎瑞恩、劉小慧、袁鳳瑛、李國祥、張智霖、許秋怡、周影、劉漢樂、譚又銘、劉彩玉、李美鳳、歐陽德勛、蔡興麟、溫碧霞、施偉芝、軟硬天師、花生女郎、Purple Heart、Rose Garden、劉文娟...仲有得唱的有幾個?

TVB十大勁歌金曲1991年度新人奬
金奬 : 劉錫明 (當時他得到的掌聲的確幾多,但他雄厚聲線演繹幾難頂。)
銀奬 : 韋綺珊 (唱live真係好勁,尤其《跪在大門後》結尾的急口令。)
銅奬 : 黎明詩 (雖然走純靚女偶像路線,但唱現場也不賴。)
頒獎嘉賓 : 黎明



《無根草》白板碟 圖片由Old Ox提供。

7 comments:

阿寶 Francis said...

我有買劉鍚明呢隻MOSHI MOSHI MOSHI架,嗰時仲同個同學扮佢d舞步,超正呀!呢首係唔知套既電視劇既主題曲黎架..!
其實劉生仲有好多歌都噢畸架,一生全屬你,無根草.....等等!

Anonymous said...

wah moshi moshi mtv model 是梁詠琳呀!!

kenny said...

早2 期東周有paco訪問佢, 原來當年paco是監製, 劉錫明自己都話自己唱歌好差, paco就話最緊要有 feel! 我信佢講真話, 唔係都唔會捧千嬅吧?

Ogake said...

我反而記得隻Moshi Moshi Moshi中段咪有段國語讀白(?)既,個女仔(當然唔係MV入面嗰四件)係當年警務署(?)之類的首長個女來的,諗住係加國讀完書返來香港樂壇發展,點知隻歌plug左無耐,個女仔就發生意外,之後為免影響大家的心情,唱片公司即刻做左隻無讀白部份既plug上台~

chi said...

多謝你呢個資料,你說的是前人民入境事務處處長梁銘彥的愛女梁思瀚,她在溫哥華讀大學,有心入娛樂圈發展,簽了華納後,在大學校園被人以弩射殺,死時22歲。

Old Ox said...

Chi:

給你劉錫明第1首主打歌"無根草"白板碟封面(同樣可供之於世). 當年他帶著"90'華納最矚目新人"這名號, 可是真正的"90'華納最矚目新人", 卻是曾航生.

chi said...

Thank you, Old Ox. 圖片已加上了,原來你就是tinshunleung,多謝你上載的MV。