叱吒樂壇流行榜1988 (第28周)


第一位奪得叱吒冠軍的商台DJ : 盧業瑂,林海峰森美小儀都要嗌聲師姐,前排阿喱和有耳非文話唔識佢,這裡有些資料,可以補補習。盧業瑂唱民歌出身,和區瑞強是老拍檔,70年代末加入商台,成為6 Pair半成員,13人之中盧業瑂、俞琤、曾路得同是肥女,常被撈亂,1980年商台推出《6 Pair半》大碟,盧業瑂灌錄《為甚麼》一曲,成為民歌經典,1981至85年推出過3張大碟,代表作《泥路上》,盧冠廷作曲,今期冠軍歌《點滴情懷》亦是出自他手筆,已是第3首盧冠廷作曲的榜首歌 (之前有《但願人長久》和《天變地變情不變》,其實《天變》、《點滴》加埋陳百強《長伴千世紀》,可稱為1988年盧冠廷作曲的「長情三部曲」)。

1985至88年,盧業瑂在CR2主持晚間節目《月光光四人幫》,拍檔有楊振耀、黃鐵雄、張麗瑾、劉煥君、陳輝虹。321起飛後,她和胡啟榮主持下午12-2《城市足印Walkie Talkie》,未幾調去一台,90年代移民加拿大溫哥華後加入中文電台,現時仍為DJ。

盧業瑂 - 點滴情懷 (1988)
作曲 : 盧冠廷 作詞 : 鄭國江


1988年10月2日 (week 28)
今周 上周
01. 08. 點滴情懷 - 盧業瑂↑
02. 09. 大地 - Beyond↑
03. 07. 失戀一週年 - 陳潔靈↑
04. 02. 一見鍾情 - 劉美君↑
05. 04. 水中花 - 譚詠麟↓
06. 01. Stand By Me - 梅艷芳↓
07. 05. 舊唱片 - 草蜢↓
08. 11. 重逢 - 徐小鳳↑
09. 10. 幾時再見 - 陳慧嫻↑
10. 16. 真的漢子 - 林子祥↑
11. 18. 不怨一句 - 呂方↑
12. 12. 分手真相 - 郭小霖→
13. 27. 一呼百應 - 李明珠、黃翊↑
14. 03. 千載不變 - 溫拿↓
15. 06. 繼續跳舞 - 張國榮↓
16. --- 心事有誰知 - 黃寶欣 [新上榜]
17. 14. 叛逆 - 蔡楓華↓
18. 15. 衝開一切 - Beyond↓
19. 26. 祝福 - 葉蒨文↑
20. --- 妳好嗎?! - 張立基 [重新上榜]
21. 29. 迷惘 - 郭小霖↑
22. --- 不想化粧 - 夢劇院 [新上榜]
23. --- 大約在冬季 - 齊秦 [新上榜]
24. 19. 交織千個心 - 許冠傑↓
25. 25. 衝破萬重浪 - 蔡國權→
26. --- 星星月亮太陽 - 陳潔靈 [重新上榜]
27. --- 從今以後 - 陳百強 [重新上榜]
28. --- 尋夢園 - 魏綺清 [新上榜]
29. --- 未來主人翁 - 民間傳奇 [重新上榜]
30. 21. 大會堂演奏廳 - 李克勤↓
----------------------------------
出榜歌曲 :
13. 八十歲後 - 譚詠麟↑
17. Girl Friend - 麥潔文↓
20. 不准喧嘩 - 郭小霖↓
22. 禁色 - 達明一派 [重新上榜]
23. Brenda點唱機 - 盧業瑂↓
24. Don't Cry For Me - 陳百強↓
28. 午夜皇后 - 譚詠麟 [重新上榜]
30. 無意識的等 - 杜麗莎 [新上榜]

‧《失戀一週年》攀上最高位置,本周第3位,恭喜Sa姨,唔錯唔錯。

‧夢食丸《遍霧遍雨》第2主打《不想化粧》,新上榜第22位,繼續大學校園流行的理想主義,唱係咁唱,李敏小姐在90年代中寫《蘋果》副刊專欄,日日登自己玉照,化晒妝仲襯埋墨鏡,我又唔覺得她不想化妝。

夢劇院 - 不想化粧 (1988)
作曲 : Keith Yip/麥皓輪 作詞 : 夢劇院


‧唔睇榜唔知,黃寶欣《心事有誰知》(新上榜No.16) 是《她是誰》大碟的第一主打,這首歌是《江湖接班人》主題曲,苗僑偉在戲中叫做三哥,這個別號維持至今。《心事有誰知》應該是食上次大hit的《兩地情》(即Maria Cordero《友誼之光》) 改編台語歌《綠島小夜曲》條水,都是江湖片熱潮下的產物,今次改編蔡振南曲詞、沈文程唱的台語歌《心事誰人知》(1982)。

黃寶欣 - 心事有誰知 (1988)
作曲 : 蔡振南 作詞 : 卡龍


‧80年代尾到90年代初的台風襲港,由齊秦的《大約在冬季》揭開(新上榜No.23),大概原因是卡拉OK興起,港人需要一種易唱、旋律優美、歌詞唔翹口、帶點歌廳feel的歌,國語亦唔拘,簡稱為早期K歌,《大約在冬季》因而紅到香港,這首歌關正傑和張國榮分別改編為《大約別離時》《別話》,甚至有林敏驄曾志偉的《大約是同志/凍雞》,都不及國語原曲hit。

齊秦 - 大約在冬季 (1988)
作曲 : 齊秦 作詞 : 齊秦

7 comments:

一個人 said...

現時香港電台第一台逢星期四晚上10:30至11:00的「大城小事」是由盧業瑂主持。

Fun said...

原來《失戀一週年》有上個第3咁高~ 如果要整個失戀歌playlist,我一定擺《失戀..》係頭~ 來吧照照鏡內人,快慶祝失戀週年~~

咦,我一路以為西界kylie第一首叱吒上榜歌係《i'm your friend i'm your lover》添.. 咁《心事有誰知》係咪同《i'm your friend..》同一隻碟架呢~

李敏直情係很想化(濃)妝添啦,個陣響多倫多見親佢都係一個粉樣架!落雪天見到佢,塊面同地下係一樣色~

喂,原來蔡膿華隻《叛逆》都上榜好耐喎...

chi said...

《I'm your friend...》來自《濃情》大碟,1987年出品,是黃寶欣處女唱片。1988年第二張大碟《她是誰》有《戀愛獵人》、《請勿貼身》,都是改編Kylie作品,奠定西界Kylie美譽。

Anonymous said...

还是希望更新能更快一些

chi said...

點解要咁快呢?都是20年前的東西了。我會慢慢數,直到2008年12月,耐心點吧。

suling said...

看一篇文章可能只花十分鐘,但寫一篇文章可能得花十倍時間...

這個舊的資料能夠鉅細靡遺的重溫,真是多虧chi了,尤其是我這種以往無法參與的,真的好多謝你的珍貴資料和記憶,換做是我,要我照著打這麼多排行榜,鐵定做不下去的...

oilan said...

如果話盧業瑂的點滴情懷冠軍, 有點失實啦! 當時樂壇唔buy這類民歌.連商台自己友都唔係播得多, 港台同電視台更唔洗講. 叱吒亦唔見公平得去邊.